روبکس کیوب ورلڈ کپ میں کھیلیں گے دہلی کے کھلاڑی

ریڈ بل روبکس کیوب ورلڈکپ کے لیے دہلی سے چارکیوبکس سالورز نے کوالیفائی کیا ہے۔

اس مقابلے میں 18 ،کیوبک سالورز نے حصہ لیا تھا ،جن میں سے چار کامیاب ہوئے۔ نیشنل کوالیفائر میں کامیاب ہونے والے چاروں فاتحین آرین، کومل، آکاش اور سکانت روس میں منعقد ہونے والے ورلڈ فائنل میں بھارت کی نمائندگی کریں گے۔
اس مقابلے میں شرکا عالمی تجربات کا فائدہ اٹھانے میں کامیاب رہیں گے اور انہوں نے اپنی نگاہیں تیس ہزار امریکی ڈالر کی انعامی رقم پر لگا رکھی ہیں۔ روبکس برینڈ لمییٹیڈ کے تعاون اور ورلڈ کیوبک ایسوسی ایشن کے اشتراک سے چار براعظموں میں تین گیم موڈ میں منعقد کی جائے گی جس میں سب سے بہترین کیوبرز کی تلاش کی جائے گی۔ ریڈ بل ورلڈکپ کا فائنل نومبر کے آخر میں ماسکو میں کھیلا جائے گا۔