ریل میڈرڈ اسٹرائیکر ماریانو کورونا سے متاثر

فٹ بال کلب ریئل میڈرڈ کے اسٹرائیکر ماریانو ڈیاز کو کورونا وائرس میں مبتلا پایا گیا ہے۔کلب نے منگل کے روز اس کی تصدیق کی ہے۔

کلب نے کہا کہ پیر کو جب ہماری ٹیم کے کھلاڑیوں کا کورونا وائرس کے لئے ٹیسٹ کیا گیا تو ہمارے کھلاڑی ماریانو مثبت پائے گئے ۔ ماریانو کی طبیعت ٹھیک ہے اور وہ گھر میں آئسولیشن میں رہ کر پروٹوکول پر عمل کر رہے ہیں۔

ماریانو دوسرے کھلاڑیوں کی طرح لا لیگا فٹ بال ٹورنامنٹ سیزن ختم ہونے کے بعد سات دن کی چھٹی پر تھے۔ وہ اسپین سے پہلے کھلاڑی نہیں ہیں جو کورونا سے متاثر ہوئے ہیں ۔ ایک ہفتہ قبل ہی فویلنابراڈا کے متعدد ارکان کورونا سے متاثر پائے گئے تھے۔