چاند نظر آنے پر 24 اپریل کو رمضان کا پہلا روزہ ہوگا

ریاست راجستھان کے ضلع اجمیر شریف درگاہ کے شہر قاضی مولانا توصیف احمد صدیقی نے کہا کہ' اجمیرمیں چاند دیکھنے پر ماہ رمضان 24اپریل سے شروع ہوگا۔

صدیقی نے آج نقشہ سحر و افطار پروگرام جاری کرتے ہوئے بتایا کہ 23 اپریل کو چاند نظر آنے پر پہلا روزہ 24 اپریل جمعہ کے روز ہوگا،لیکن تراویح کی نماز لاک ڈاؤن کی سختی کی وجہ سے نہیں ہوسکے گی اور سبھی کو گھروں میں ہی نماز ادا کرنی ہوگی۔

انہوں نے کہا کہ نقشہ سحر کے مطابق پہلے روزے کی سحری صبح 04:32 منٹ پر ہوگی اور شام 07:30 منٹ پر روزہ افطار ہوگا۔

مسلمان پندرہ گھنٹے کا روزہ رکھیں گے اور اپنے رب کی عبادت کریں گے۔ابتدائی اعلان کردہ پروگرام کے مطابق 23مئی کو آخری روزہ ہوگا۔24مئی کو ملک بھر میں عید الفطر منائی جائےگی۔