پاسوان نے 'خود کفیل بھارت پیکیج' کی پیش رفت کا جائزہ لیا

وزیر برائے امورِ صارفین، خوراک و رسد رام ولاس پاسوان نے 'خود کفیل بھارت پیکیج' اور 'ایک قوم ایک راشن کارڈ' کی پیش رفت کا جائزہ لیا۔

بات چیت کے دوران تمام ریاستوں کے خوراک وزراء اور سیکرٹریوں نے اپنی اپنی ریاست میں ان تمام منصوبوں کی پیش رفت اور حالات سے واقف کرایا۔ کچھ ریاستوں کی طرف سے پیش کردہ تجاویز پر بھی تبادلہ خیال کیا گیا۔

پاسوان نے کہا کہ ''یہ خوشی کی بات ہے کہ تمام ریاستوں میں اسکیمیں وقت سے چل رہی ہیں اور ضرورت مندوں تک مفت اناج اور دالوں کی تقسیم آسانی سے ہورہی ہے۔''

انہوں نے تمام ریاستوں کا شکریہ ادا کیا اور ان ریاستوں کو خاص طور پر شکریہ ادا کیا جو مرکزی منصوبوں کے علاوہ اپنی سطح پر بھی غریبوں کے لئے خصوصی مہم چلا رہے ہیں۔