آئی آئی ٹی، تخلیقی نظریات کا مرکز: کووند

صدر رام ناتھ کووند نے کہا ہے کہ 'انڈین انسٹی ٹیوٹ آف ٹیکنالوجی(آئی آئی ٹی) جیسے ادارے صرف تعلیم کا مرکز نہیں بلکہ اختراعات اور تخلیقی نظریات کے مرکر بھی ہیں۔

کووند نے آج یہاں آئی آئی ٹی کے کنووکیشن سے خطاب کرتے ہوئے کہا کہ 'تحقیق، اختراع اور تخلیقی نظریات کے ذریعہ قومی اہداف کو حاصل کرنے اور انسانیت کو درپیش مسائل کو حل کرنے میں مدد ملے گی۔'

انہوں نے کہا کہ 'طویل مدت میں ہماری کامیابی انٹرپرنیورشپ اور نئے نئے نظریات کے کلچر کے فروغ پر منحصر ہے۔ ہمیں اختراعات اور تخلیقیت کو فروغ دینا چاہئے۔'

صدر نے کہا کہ 'سائنس اور ٹیکنالوجی اداروں میں طلبہ کی تعداد کافی کم ہے۔'

انہوں نے کہا کہ 'ہمیں سائنس اور ٹیکنالوجی اداروں میں زیادہ سے زیادہ تعداد میں طلبہ کے داخلے کے لیے ضروری قدم اٹھانے چاہئیں۔'