بحریہ کے سابق افسر پر حملے کی مذمت

وزیر دفاع راجناتھ سنگھ نے ممبئی میں بحریہ کے سابق افسر پر حملے کے واقعے کی مذمت کرتے ہوئے کہا ہے کہ ایسی کاروائیوں کو قبول نہیں کیا جاسکتا۔

سابق نیول افسر مدن شرما پر ممبئی میں اپنی سوسائٹی کے احاطے میں کچھ لوگوں نے حملہ کیا، اطلاعات کے مطابق حملہ آور نے اپنے آپ کو شیو سینک بتایا تھا۔

اس حملے کی وجہ مدن شرما نے مہاراشٹر کے وزیراعلیٰ ادھو ٹھاکرے کے کارٹون کو واٹس ایپ گروپ پر شیئر کرنا بتایا گیا ہے۔

راجناتھ سنگھ کا ٹویٹ

راجناتھ سنگھ نے آج ٹوئیٹ کیا “ممبئی میں شرپسندوں کے حملہ کے شکار ریٹائرڈ نیول آفیسر مدن شرما سے بات کی۔ اس کی صحت کے بارے میں معلومات حاصل کی۔ سابق فوجیوں پر اس طرح کے حملے سراسر ناقابل قبول اور قابل مذمت ہیں، میری خواہش ہے کہ مدن جی جلد صحت یاب ہوں۔ "