مغربی بنگال میں راہل گاندھی کی ریلی ملتوی

راہل گاندھی 15 مارچ کو مغربی بنگال کے ضلع مالدہ کا دورہ کرنے کے ساتھ ہی یہیں سے کانگریس کی انتخابی مہم کا آغاز کرنے والے تھے۔

انڈین نیشنل کانگریس پارٹی کے قومی صدر راہل گاندھی نے مغربی بنگال میں نے اپنی مجوزہ ریلی کو ملتوی کر دیا ہے، ریلی 15 مارچ کو ہونے والی تھی لیکن اب یہ 23 مارچ کو ہوگی۔

واضح رہے کہ راہل گاندھی مغربی بنگال میں ضلع مالدہ سے اپنی انتخابی مہم کا آغاز کرنا چاہتے تھے اس کے لیے بنگال کانگریس کے رہنما سومن مترا، پردیپ بھٹاچاریہ اور سبھانشو سرکار نے شمسی کالج اور چنچل میدان کا دورہ کیا تھا جس کے بعد شمسی کالج کو راہل کی ریلی کے لیے منتخب کیا تھا لیکن انتظامیہ نے اس کی اجازت نہیں دی۔

واضح رہے کہ 15 مارچ جمعہ کے روز ہے اور مجوزہ علاقہ مسلم علاقہ ہے لہٰذا راہل گاندھی شام 4 بجے ریلی سے خطاب کرنے والے تھے مگر ان کے ہیلی کاپٹر کو اڑان بھرنے کی اجازت نہیں ملی اسی لیے یہ ریلی ملتوی کردی گئی ، اب یہ ریلی 23 مارچ کو ہوگی۔

واضح رہے کہ اس سے پہلے بی جے پی کے صدر امیت شاہ کے ہیلی کاپٹر کو بھی مغربی بنگال میں اترنے کی اجازت نہیں ملی تھی۔