'بہار میں ہوئی اموات سے صدمے میں ہوں'

بہار کے وزیر اعلی دفتر کے مطابق گذشتہ 24 گھنٹوں کے دوران ریاست میں طوفان اور آسمانی بجلی گرنے سے کم از کم 83 افراد ہلاک ہوگئے ہیں۔

کانگریس رہنما راہل گاندھی نے بہار میں آسمانی بجلی گرنے سے 83 افراد کی ہلاکت پر متاثرہ خاندانوں سے اظہار تعزیت کرتے ہوئے انہوں نے کانگریسی کارکنان سے ہر ممکن مدد کی اپیل کی ہے۔

انہوں کہا کہ 'بہار میں بجلی گرنے سے 83 افراد کی ہلاکت کی خبر موصول ہونے کے بعد میں صدمے میں ہوں، میں دعاگو ہوں کہ بھگوان ہلاک شدگان کے لواحقین کو اس نقصان کو برداشت کرنے کی ہمت دے'۔

انہوں نے ٹویٹ پیغام میں پارٹی کے کارکنان سے مدد کی اپیل کرتے ہوئے کہا کہ 'میں کانگریس کارکنان سے اپیل کرتا ہوں کہ وہ متاثرہ افراد کی ہر ممکن مدد کریں'۔

بہار کے وزیر اعلی نتیش کمار نے جاں ہلاک ہونے والے افراد کے لواحقین کے لیے چار لاکھ روپے کے معاوضے کا اعلان کیا ہے۔