عالمی شہرت یافتہ شاعر راحت اندوری کا آج حرکت قلب بند ہونے کے سبب 70 برس کی عمر میں انتقال ہوگیا۔
راحت اندوری کو ان کے شہر اندور کی چھوٹی کھجرانی قبرستان میں سپرد خاک کیا گیا۔ کورونا وائرس کے سبب انتقال کے باوجود بھی لوگوں نے سماجی دوری کا خیال رکھتے ہوئے کثیر تعداد میں جنازہ میں شرکت کر ان سے اپنی محبت کا دیرینہ ثبوت پیش کیا۔
راحت اندوری کے اچانک انتقال کے باعث ان کے چاہنے والوں نے غم کا اظہار کیا اور دیگر سیاسی سماجی مذہبی اور علمی حلقوں نے ان کے تئیں اظہار تعزیت کی۔
خیال رہے کہ راحت اندوری ادھر کافی دنوں سے سانس کی تکلیف میں مبتلا تھے۔ اطلاعات کے مطابق انہیں ذیابیطس اور دل کا عارضہ بھی تھا۔ حال ہی میں نمونیا کے سبب ان کے پھیپھڑوں میں انفیکشن ہوگیا تھا۔