افسران کے درمیان ریس، رسی کھینچنے کا مقابلہ

ریاست اترپردیش کے ضلع بارہ بنکی میں کئی محکموں کی طرف سے ریس اور رسی کھینچنے کے شرکت کرکے عوام کو صحت کے تئیں بیداری کا پیغام دیا گیا۔

بارہ بنکی کے کے ڈی سنگھ بابو اسٹیڈیم میں اتوار کی شب ایک خوشنما ماحول میں ضلع کے کئی محکموں کے افسران ایک پنڈال کے نیچے جمع تھے۔

دراصل کے ڈی سنگھ بابو اسٹیڈیم میں ثانوی درجے کے لیے 69ویں اتھلیٹکس منعقد کی گئی تھی۔ اس موقعے پر ضلع مجسٹریت کی طرف سے افسروں کے کھیلنے کے لیے بھی تقریب منعقد کی گئی۔

اس موقعے پر 100 میٹر کے ریس میں تقریبا 16 افسران نے شرکت کی، جس میں پہلے نمبر پر اکھلیش کمار، دوسرے نمبر پر دیپک یادو جبکہ تیسرے نمبر پر پرتی پال سنگھ رہے۔

وہیں رسی کھینچنے کا مقابلہ محکمہ ریونیو اور محکمہ ترقیاتی کے درمیان ہوا۔ اس میں محکمہ ترقی کو فتح حاصل ہوئی۔ اس کے بعد تمام افسران کو میڈل سے سرفراز کیا گیا۔