پی وی سندھو کی وزیراعظم سے ملاقات

بیڈمنٹن کھلاڑی پی وی سندھو نے دارالحکومت دہلی میں وزیراعظم نریندر مودی سے ملاقات کی۔ اس موقع پرعالمی چیمپیئن سندھو کو وزیراعظم نے مبارکباد دی اور ان کے کھیل کی تعریف کی۔

عالمی چیمپیئن شپ میں پی وی سندھو نے گولڈ میڈل حاصل کیا ہے۔ دہلی ایئرپورٹ پر سندھو کا منگل کے روز والہانہ استقبال کیا گیا۔

اس موقعے پر سندھو نے کھیل کے وزیر کرن رجیجو سے ملاقات کی، بعد ازیں وزیر موصوف انہیں اپنے ہمراہ وزیراعظم کے دفتر لے گئے۔

اس موقعے پر سندھو کے کوچ گوپی چند اور ان کےوالد بھی موجود تھے۔
وزیراعظم نے پی وی سندھو کی ستائش کی اور ملک کا نام روشن کرنے پر خوشی اور مسرت کا اظہار کیا۔
انہوں نے امید ظاہر کی کہ وہ مزید تمغے جیت کر ملک کا نام روشن کرتی رہیں گی۔
عالمی چیمپیئن شپ میں سندھو نے جاپان کی اوکوہارا کو شکست دے کر گولڈ میڈل جیتا۔ وہ اس ٹورنامنٹ میں جیتنے والی پہلی بھارتی خاتون ہیں۔