کولکاتہ میں 'نو فادرس ان کشمیر' فلم کی تشہیری مہم

فلم کے ہدایتکار اشون کمار نے کہا کہ آج تک کشمیر کے حالات پر کئی فلمیں بنی ہیں لیکن نو فادرس ان کشمیر ان سے مختلف ہے۔

بنگال کے دارالحکومت کولکاتا میں گذشتہ روز فلم 'نو فادرس ان کشمیر' کی تشہیری مہم کے لیے بالی وڈ فلم ڈائیریکٹر اشون کمار نے پریس کانفرنس سے خطاب کرتے ہوئے کہا کہ اس فلم کی کہانی ان مسائل کو پیش کرتی ہے جس کشمیری شہری کئی برس سے سامنا کر رہے ہیں۔

انہوں نے کہا کہ یہ فلم بالی وڈ کی ان فلموں سے بالکل الگ ہے جو کشمیر کے حالات پر بنائی گئی ہیں۔

اشون کمار نے کہا کہ گذشتہ پانچ برسوں میں کشمیر کے حالات انتہائی دگرگوں ہو گئے ہیں اور ان مسائل کو حل کرنے کی ضرورت ہے، جنگ سے یا طاقت کے استعمال سے اس کا حل نہیں نکلے گا بلکہ اسے بات چیت کے ذریعے ہی حل کیا جا سکتا ہے۔

فلم اداکارہ سونی رازدان نے کہا کہ ہمیں کشمیر اور کشمیریوں کو سمجھنے کی ضرورت ہے۔

انہوں نے کہا کہ اگر کشمیر جائیں گے تو جو باتیں باہر ہوتی ہیں ویسا کچھ بھی نہیں ہے۔

واضح رہے کہ یہ فلم ایک ایسے نوجوان لڑکے اور لڑکی کی زندگی پر مبنی ہے جو اپنے اپنے گمشدہ بات کو تلاش کرتے ہوئے ایک دوسرے سے آشنا ہوتے ہیں اور ایدوسرے کی محبت میں گرفتار ہوجاتے ہیں لیکن بعد میں انہیں جدا بھی ہونا پڑتا ہے۔