شیئر بازار میں گراوٹ کے لیے پرینکا نے وزیر اعظم کو ٹھہرایا ذمہ دار

شیئر بازار میں مسلسل بھاری گراوٹ درج کی جارہی۔ گھریلو شیئر بازار میں گراوٹ اور مدھیہ پردیش میں جاری سیاسی گھماسان کے لیے کانگریس جنرل سکریٹری پرینکا گاندھی واڈرا نے وزیر اعظم نریندر مودی کو ذمہ دار ٹھرایا ہے۔

پرینکا واڈرا نے ٹویٹ کے ذریعہ وزیر اعظم پر طنز کرتے ہوئے کہا ہے کہ وہ پی آر میں ماہر ہیں اور منتخب حکومت کو گرانے میں مصروف ہیں لیکن شیئر بازار کی ابتر صورتحال پر وہ بالکل خاموش ہیں۔

Tweet

پرینکا واڈرا نے ٹویٹ میں لکھا ہے کہ '' شیئر بازار دھڑام سے گر چکا ہے۔ بین الاقوامی صحت ادارہ نے کورونا وائرس کو وبا قرار دیا ہے۔ لوگوں میں افرا تفری مچی ہوئی ہے۔ پی آر میں ماہر وزیر اعظم نرندر مودی کو اگر منتخب حکومت گرانے سے فرصت مل گئی ہو تو ملک کے لیے ضروری اس موضوع پر بھی بول دیں۔''

واضح ہو کہ گزشتہ ایک ہفتہ سے شیئر بازار میں مسلسل تیسری بار گراوٹ درج کی گئی ہے جس میں سرمایہ کاروں کے ہزاروں کروڑ روپے ڈوب گئے ہیں اور مستقبل میں بھی شیئر بازار کی حالت مزید ابتر ہونے کے امکان ہیں۔