ریاست کرناٹک کے ضلع چتر درگا میں نجی اسکول کا ایک ٹیچر دو وقت کی روٹی کے لیے گلیوں میں در بدر کی ٹھوکریں کھا رہے ہیں۔
کورونا وائرس کے پیش نظر حکومت نے ملک بھر میں لاک ڈاؤن نافذ کیا تھا، جس کے بعد لاکھوں لوگوں کی نوکریاں چلی گئیں۔
چتردرگا کے اویناش بھی ان افراد میں سے ایک ہیں۔ اویناش ایک نجی اسکول میں فیزیکل ٹیچر تھے اور آج وہ گلیوں میں گھوم کر پھل بیچ رہے ہیں۔
نجی اسکول کی جانب سے اساتذہ کو تنخواہ نہیں مل رہی ہے، جس کی وجہ سے ہزاروں ٹیچرز کو مشکلات کا سامنا کرنا پڑھ رہا ہے۔
لاک ڈاؤن کے دوران اسکول بند ہیں، جس کی وجہ سے بچے اسکول نہیں آ پا رہے ہیں، ایسے میں اسکولوں کو بچوں کی فیس بھی نہیں مل رہی ہے اور یہی وجہ سے ہے کہ نجی اسکول کے اساتذہ آج دربدر کی ٹھوکریں کھا رہے ہیں۔
نجی اسکولوں کے اساتذہ مرکزی اور ریاستی حکومتوں سے اپیل کر رہے ہیں کہ جس طرح مزدوروں اور آٹو ڈرائیورز کو مالی مدد دی جارہی ہے، ایسے ہی انہیں بھی مالی امداد فراہم کی جائے۔