ملک کی متعدد ریاستوں کے یوم تاسیس پر وزیراعظم نے دی مبارکباد

وزیر اعظم نریندر مودی نے ریاست مدھیہ پردیش، چھتیس گڑھ، ہریانہ، آندھرا پردیش، کرناٹک اور کیرالہ کے عوام کو ریاست کے یوم تاسیس کے موقع پر مبارکباد دی ہے۔

وزیراعظم نریندر مودی نے ان ریاستوں کے لوگوں کے نام الگ الگ ٹویٹ کرکے مبارکباد دی۔

انہوں نے کہا کہ ریاست مدھیہ پردیش کے یوم تاسیس پر مدھیہ پردیش کے باشندوں کو بہت بہت مبارکباد۔ مدھیہ پردیش بہت سارے اہم شعبوں میں بہت ترقی کر رہا ہے اور آتم نربھر بھارت کے خواب کو تعبیر دینے میں زبردست رول رہا ہے۔

ایک اور ٹویٹ میں انہوں نے کہا کہ ریاست چھتیس گڑھ کے یوم تاسیس کے موقع پر چھتیس گڑھ کے عوام کو دلی مبارکباد۔ میری دعا ہے کہ یہ خطہ جو قدیم زمانے سے مختلف ثقافتوں کا مرکز رہا ہے ترقی اور خوشحالی کی راہ پر گامزن رہے۔