مودی نے سی آر پی ایف کے یوم تاسیس پر مبارکباد دی

وزیراعظم نریندرمودی نے مرکزی ریزرو فورس(سی آر پی ایف) کے 82 ویں یوم تاسیس پر فورس کے اہلکاروں کو مبارکباد دیتے ہوئے برسوں میں نئے بلندیوں کو چھونے کی دعا کی ہے۔

مودی نے اپنے مبارکبادی پیغام میں کہا،’’اس غیر معمولی فورس کے اہلکاروں کو 82 ویں یوم تاسیس کی مبارکباد۔ہمارے ملک مکو محفوظ رکھنے میں فورس فرنٹ پر تعینات رہتی ہے۔فورس کی ہمت اور پیشہ ور برتاؤ کی ہمیشہ تعریف ہوتی ہے۔آنے والے برسوں میں فورس اور نئی بلندیوں پر پہنچے۔‘‘

فورس کا قیام 27 جولائی 1939 کو نیمچ میں ہوا تھا۔اس وقت فورس کا نام کراؤن ریپریزینٹیٹو پولیس(سی آر پی) تھا۔ملک کے آزاد ہونے کے بعد پہلے وزیرداخلہ سردار ولبھ بھائی پٹیل نے نام سی آر پی ایف رکھا تھا۔