وزیراعظم مودی تین اکتوبر کو اٹل ٹنل کا افتتاح کریں گے

سیمینس لیمیٹڈ کے مینیجنگ ڈائریکٹر و چیف ایگزیکٹو آفیسرسنیل ماتھر نے کہا ہے کہ روہتانگ واقع روہتانگ اٹل ٹنل کا افتتاح تین اکتوبر کو وزیراعظم نریندرمودی کریں گے۔

ماتھر نے بتایا کہ ریاست میں منالی واقع پروقار اٹل ٹنل روہتانگ میں اسٹیٹ آف دی آرٹ آٹومیشن ٹیکنالوجی کو نافذ کیا ہے۔ اس تاریخی اور ہائی ٹکنالوجی منصوبہ کے ساتھ تعاون کرکے بہت فخر محسوس ہوا ہے جو کہ طویل مسافت میں نہ صرف لوگوں اور سامانوں کی آمدورفت بڑھانے کے لئے ضروری ہے بلکہ حفاظت کے لیے بھی اہم ہے۔

یہ سرنگ منالی اور لیہہ کے درمیان کا 46 کلومیٹرکا فاصلہ کم کرے گی۔ ماتھر نے آج کہا کہ سیمینس کی اسٹیٹ آف دی آرٹ ٹکنالوجی کی ایگزیکٹو کارکردگی دس ہزار فٹ سے زیادہ اونچائی پر حفاظت اور کارکردگی کو فروغ دے گی۔

دنیا کے ٹکنالوجی لیڈر سیمینس نے پروقار منصوبے کے لیے شراکت داری کی اور اس منصوبے میں جدید ترین ٹنل آٹومیشن اور ڈیجیٹل ٹکنالوجی کونافذ کیا ہے۔

روہتانگ پاس پر واقع اس سرنگ کی مکمل طوالت 9.02 کلو میٹر ہے اور یہ دس ہزار فٹ کی اونچائی پر ہے۔ انہوں نے کہا کہ جدید تکنیک کو یہاں انسٹال کیا تاکہ وہ یقینی کرسکیں کہ بجلی، وینٹیلیشن اور فائر سیفٹی سسٹم کو تعینات کیا جاسکے اور سب سے چیلنجنگ ماحولیاتی صورت حال کے تحت پوری طرح سے قابل اعتماد اور محفوظ طریقہ سے مسلسل نظر رکھ پائے۔