اترپردیش کے دارالحکومت لکھنو کے عیش باغ عید گاہ میں جمعۃ الوداع کے موقع پر روزہ داروں نے اللہ رب العزت کی بارگاہ میں ملک اور دنیا سے کورونا کے خاتمے کے لیے دعا کی۔
معروف عالم دین مولانا خالد رشید فرنگی نے اپنے بیان میں کہا کہ جمعہ الوداع کے موقع پر سبھی لوگوں نے اپنے گھروں میں نماز ادا کی۔ پہلے کی طرح چار سے پانچ لوگوں نے ہی مسجد میں باجماعت نماز ادا کی ہے۔
انہوں نے کہا کہ الوداع کے موقع پر بالخصوص کورونا وائرس سے نجات کے لئے دعا کی گئی ہے۔ مولانا خالد رشید نے کہا کہ مسلم سماج نے ابھی تک لاک ڈاؤن کے اصولوں پر مکمل طور پر عمل کیا ہے، ان شاء اللہ آگے بھی وہ ایسا کرتے رہیں گے۔
واضح رہے کہ متعدد علما مسلسل مسلم عوام سے گھروں میں رہنے، عبادت کرنے اور بوقت ضروت باہر نکلنے کی صورت میں سماجی دوری کے اصولوں پر عمل کرنے کی اپیل کرتے رہے ہیں۔