کورونا وائرس سے حفاظت کے لیے دعا

دنیا بھر میں ڈر کا سبب بنے کورونا وائرس نے بھارت میں بھی دستک دے دی ہے۔ اس بیماری سے عوام کو بچانے کے لیے حکومت نے ضروری اقدامات کرنے شروع کر دیے ہیں۔ اسی طرح کورونہ وائرس سے ہونے والے مہلک مرض سے بچنے کے لیے دعا مانگی گئی۔

ریاست راجستھان کے ضلع اجمیر میں کورونا وائرس سے نجات کے لیے دعا مانگی گئی۔

درگاہ کی شاہجہانی مسجد میں کورونا وائرس سے بچنے کیلئے خاص دعا مانگی گئی۔

غورطلب ہے کہ چین میں اب تک آٹھ ہزار سے زیادہ افراد اس کے انفیکشن سے متاثر ہوئے ہیں جبکہ متعدد افراد ہلاک ہوئے ہیں۔

ایسے میں بھارت کے تمام بین الاقوامی ہوائی اڈوں پر کورونا وائرس کے مشتبہ افراد کی تحقیق کر انہیں علاج کے لیے میڈیکل ٹیمیں بھی مہیا کرائی جارہی ہیں۔

اس سلسلے میں صوفی حضرت خواجہ معین الدین حسن چشتی اجمیری رحمتہ اللہ علیہ کی بارگاہ میں کورونا وائرس سے حفاظت کے لیے دعا مانگی گئی۔
عقیدت مندوں کو امید ہے کہ خواجہ صاحب کے فضل و کرم سے اللہ ان کی سب مصیبتوں کو جلد دور کر دے گا اور کورونا وائرس سے ملک کی عوام کو محفوظ رکھے گا۔