میڈیا اہلکاروں میں سکیورٹی کٹ تقسیم

پاور لفٹنگ عالمی چیمپیئن گورو شرما نے کورونا وائرس کے بحران کے وقت فرنٹ لائن پر بے خوف ہوکر کام کررہے میڈیا اہلکاروں میں سکیورٹی کٹ تقسیم کیں۔

پاور لفٹنگ ورلڈ چیمپئن رہے مہنت گورو شرما نے کہا کہ کورونا سے منسلک خبروں کو ہر شخص تک پہنچانے کے لیے میڈیا کے لوگ جان جوکھم میں ڈال کر اپنے فرائض انجام دے رہے ہیں اسی لیے ان کی حفاظت ضروری ہے، اسی کے مدنظر میڈیا اہلکاروں میں سکیورٹی کٹ دی جارہی ہے۔

گورو شرما نے بتایا کہ 'لاک ڈاون کے 58 دنوں میں 30 ہزار ضرورت مندوں کو راشن، 112 مقامات پر سینکڑوں لوگوں کو کھانا، ڈاکٹر، نرسوں، صفائی ملازمین، پولیس اہلکاروں کے بعد اب میڈیا کو سکیورٹی کٹ مہیا کرائی گئی ہے۔

انہوں نے کہا کہ 'کورونا کو شکست دینے کے لیے وزیراعظم نریندر مودی کی ہدایات پر عمل کرنا ہر شخص کا فرض بنتا ہے اسی لیے ماسک لگائیں، سوشل ڈسٹینسنگ پر عمل کریں اور اپنے کنبہ کو محفوظ رکھیں۔