پبلک سیکٹر کی کمپنی بی ایس این ایل کے 20 سے زیادہ موبائل ٹاوروں کے بجلی کنکشن کاٹے جانے سے ضلع میں 3 لاکھ سے زائد بی ایس این ایل صارفین متأثر ہوئے ہیں۔
نگم کے اڈیشنل جنرل منیجر مہندر کمار نے بتایا کہ طویل عرصہ قبل ٹاوروں کو چلانے کے لیے ڈیزل کی سپلائی کو مکمل طور پر محکمہ کی جانب سے بندکردیا گیا ہے۔
ایسے میں ٹاوروں کو چلانے کے لیے محض ایک سہارا بجلی کی سپلائی ہے۔ بجلی بلوں کے بڑھتے بقایا جات کی صورت میں ٹاورز کے کنکشن کاٹنے سے موبائل نیٹ ورک ٹھپ ہوجاتا ہے۔
انہوں نے بتایا کہ بی ایس این ایل کے ضلع اٹاوہ میں بجلی بل کے بقایاجات کے سلسلے میں ٹاورز کی بجلی کاٹ دی گئی ہے، جن پر کئی مہینوں کا بل بقایا ہے۔
بکیور، لکھنا،لودی، مہیوا، اوسراہار، بھٹاری، نباڑی کلا، بہادر پور، کامیت، اکدل، ویدپورا، سمیت تقریبا 20 سے زیادہ بی ایس این ایل موبائل ٹاورز کی بجلی کاٹ دی گئی ہے۔
ایسا کرنے سے ان علاقوں میں بی ایس این ایل نیٹ ورک نہیں آرہا ہے اور بی ایس این ایل صارفین کو انتہائی مشکلات کا سامنا کرنا پڑ رہا ہے۔
غور طلب ہے کہ اٹاوہ سرکل کے بی ایس این ایل آفس کے تحت اٹاوہ ۔اوریا میں 2۔جی کے 124 اور 3۔جی کے 105 ٹاور لگے ہیں۔