ریاست اترپردیش کے ضلع بجنور کے تھانہ نورپور کے چانگی پور گاؤں میں اروند، وکاس، راجو اور شیش پال لاک ڈاون کے دوران کیمیکل کے ذریعہ شراب بنا کر ضلعے میں جعلی شراب فروخت کرنے کا کام کر رہے تھے۔
اطلاع ملنے پر پولیس نے اس غیرقانونی کاروبار کو کرنے والے اروند اور وقاص کو گرفتار کرلیا ہے جبکہ ان کے دو ساتھی راجو اور شیش پال پولیس کو چکمہ دے کر فرار ہوگئے ہیں۔
پولیس نے ان کے پاس سے تقریباً 4 لاکھ کی غیر قانونی شراب برآمد کی ہے ساتھ ہی جعلی شراب کی فیکٹری میں 44 پیٹی فائٹر مارکہیا کی شراب، 15 کین بھری ہوئی شراب، 500 خالی پوے و شراب بنانے کے دیگر سامان کو برآمد کیا ہے پولیس کی جانب سے مفرور کی تلاش جاری ہے۔