پولیس ووٹرز کو ویزیٹنگ کارڈ تقسیم کرے گی

اترپردیش کے ضلع پریاگ راج میں ووٹرز کو پولیس پہلی بار ویزیٹنگ کارڈ تقسیم کرے گی۔ اس کارڈ میں متعلقہ علاقے کے پولیس افسران کے ساتھ الیکشن کنٹرول روم کے نمبر ہوں گے۔

پولیس انسپیکٹر جنرل رینج موہت اگروال نے یہ اطلاع دی ۔انہوں نے بتایا کہ اس کارڈ پردئے گئے نمبروں پر کوئی بھی شخص الیکشن سے پہلے یا ووٹنگ کے دوران دقت ہونے پر براہ راست افسران سے رابطہ کرسکے گا۔

اگروال نے بتایا کہ الیکشن کے دوران داروغہ سے لے کر سپاہی تک کی اہم ذمہ داری رہے گی۔انہوں نے بتایا کہ الیکشن نظام کے دوران پولیس اہلکار علاقے کے اعلی طبقے اور گرام پردھانوں سے بھی خصوصی طور پر رابطہ بنائے رکھیں گے۔