وزیراعظم نریندر مودی نے ان رہنماؤں کے علاوہ مختلف سیاسی پارٹیوں کے اعلی رہنماؤں کے ساتھ بھی کورونا وائرس سے پیدا ہوئے حالات پر تفصیل سے غورو خوض کیا۔
وزیراعظم نے دونوں سابق صدور اور سابق وزرائے اعظم کے ساتھ ٹیلی فون پر اس غیر معمولی بحران کے بارے میں بات کی اور ملک میں کورونا کے انفیکشن سے متعلق مختلف مسئلوں پر بحث کی۔اس دوران کورونا کے انفیکشن کے حالات اور اس سے نمٹنے کے لیے حکومت کے ذریعہ کی جانے والی کوششوں پر خاص طور پر بات ہوئی۔
مودی نے مختلف سیاسی پارٹیوں کے لیڈروں کو بھی فون کیا اور ان کے ساتھ بھی کورونا کی وجہ سے پیدا حالات کے تمام پہلوؤں پر غور و خوض کیا۔
وزیر اعظم نے جن لیڈروں کے ساتھ بات کی ان میں کانگریس صدر سونیا گاندھی، سماجوادی پارٹی کے بانی ملائم سنگھ یادو، اکھیلیش یادو، ترنمول کانگریس کی سربراہ ممتا بنرجی،بیجو جنتا دل کے سربراہ نوین پٹانئک، تلنگانہ راشٹریہ سمیتی کمیٹی کے صدر چندر شیکھر راؤ، ڈی ایم کے، کے ایم کے اسٹالن اور شرومنی اکالی دل کے پرکاش سنگھ بادل شامل ہیں۔
ملک میں گزشتہ دنوں میں کورونا وائرس کے انفیکشن کے معاملوں میں تیزی آئی ہے اور حکومت اس انفیکشن کو روکنے کے لیے ہر ممکن کوشش کررہی ہے۔
مودی نے اس موقع پر ملک کے عوام سے متحد ہونے کی اپیل کرتے ہوئے آج رات نو بجے اپنے گھروں کی بجلی بند کر کے اپنی بالکنی میں چراغ جلاکر اندھیرے پر روشنی کی جیت کا عزم لینے کو کہا ہے۔
