مودی نے سیلابی صورتحال کا جائزہ لیا

وزیر اعظم نریندر مودی نے سیلابی صورتحال کا جائزہ لینے کے لئے چھ ریاستوں کے وزرائے اعلی کے ساتھ ورچوئل میٹنگ کی ہے۔

وزیر اعظم نریندر مودی نے سیلابی صورتحال کا جائزہ لینے کے لئے چھ ریاستوں کے وزرائے اعلی کے ساتھ ورچوئل میٹنگ کی جس میں انہوں نے پیش گوئی اور انتباہی نظام کو بہتر بنانے کے لئے جدید تکنیک کے وسیع پیمانے پر استعمال پر زور دیا۔

اس میٹنگ میں ریاست آسام، بہار، اترپردیش، مہاراشٹر، کرناٹک اور کیرالہ کے وزراء اعلیٰ نے شرکت کی۔

میٹنگ کے دوران وزیر اعظم نے تمام مرکزی و ریاستی ایجنسیوں کے مابین بہتر رابطہ کاری پر بھی زور دیا تاکہ سیلاب کی پیشگوئی کے لئے مستقل نظام بناکر اس پر عمل آوری کی جاسکے۔

اس میٹنگ کا مقصد یہ تھا کہ تمام ریاستیں جنوب مغربی مانسون اور ملک میں موجودہ سیلابی صورتحال سے نمٹنے کے لئے اپنی تیاریوں کا جائزہ لیں۔