بھوپال میں شجرکاری مہم کا آغاز

ریاست مدھیہ پردیش کےدارالحکومت بھوپال میں مسلم وکاس پریشد نے شجرکاری مہم کا آغاز کیا، یہ شجر کاری مہم پورے ملک میں چلایا جائے گا-

شہر بھوپال کے قاضی سید مشتاق علی ندوی کے ہاتھوں اس مہم کا افتتاح عمل میں آیا۔

اس موقع پر بھوپال مسلم وکاس پریشد کے صدر مجاہدخان بتایا کہ ہم نے آج سے مساجد کمیٹی اور وقف بورڈ کیمپس سے شجرکاری پروگرام کا آغاز کیا ہے، یہ مہم اب پورے صوبے میں چلائی جائے گی۔
اس موقع پر شہر قاضی سید مشتاق علی ندوی نے کہا پیڑ لگانے سے دنیا میں پایے جانے والے تمام مخلوقات کو فائدہ پہونچتا ہے، اس سے کوئی چیز مستثنی نھیں ہے۔

شہر قاضی نے مزید کہا کہ مذہب اسلام میں پیڑ لگانے کی ترغیب دی گئی ہے، لہذا تمام مسلمانوں کو چاہیے کہ وہ پودے لگائے، یہ صدقہ جاریہ ہے۔

انہوں نے مزید کہا کہ اسلام کے اندر پیڑ پودا لگانے کی ترغیب دی گئی ہے، کیونکہ ایک بہتر سماج کی تشکیل کے لئے ایک بہتر ماحول تیار کرنے کی ضرورت ہے۔