اقتصادی جائزہ مایوس کن: اپوزیشن

کانگریس کے قد آور رہنما اور سابق وزیر خزانہ نے کہا کہ اقتصادی سروے میں کسی بھی شعبے میں ترقی کا تخمینہ ظاہر نہیں کیا گیا۔

کانگریس کے سینیئر رہنما اور سابق مرکزی وزیر خزانہ پی چدمبرم نے اقتصادی سروے کو مایوس کن قرار دیتے ہوئے کہا کہ اس سروے میں کسی بھی شعبے میں ترقی کا تخمینہ ظاہر نہیں کیا گیا۔

پی چدمبرم نے عام بجٹ کے ایک دن پہلے لوک سبھا میں پیش اقتصادی سروے پر رد عمل ظاہر کرتے ہوئے کہا کہ اس سے واضح ہوتا ہے کہ حکومت خود ہی معیشت کے تئیں ناامید اور مایوس ہے۔

اقتصادی سروے مایوس کن

انہوں نے کہا کہ اقتصادی سروے معاشی منظرنامے کے تئیں حکومت کا آئینہ دار ہوتا ہے، لیکن یہ سروے پوری طرح سے مایوس کن ہے۔

انہوں نے مزید کہا کہ سروے میں علاقہ جاتی ترقی کی شرح کے سلسلے میں کچھ نہیں کہا گیا۔

کانگریس نے کہا کہ اقتصادی سروے میں 2019/20 کے لیے والیوم،2 کے دوسرے حصے میں معیشت کے سات فیصد رہنے کا اندازہ امکان بتایا گیا ہے، لیکن یہ نہیں کہا گیا ہے کہ دیگر شعبوں کی شرح ترقی کیا ہوگی۔

سروے میں کہا گیا ہے کہ ملک کی معیشت کی شرح سات فیصد سے کم رہنے کا امکان ہے۔