دہلی میں امن بینسلا کو انصاف دلانے اور ملزمین کی فوری گرفتاری کے مطالبے کے ضمن میں سیکڑوں افراد نے جمعرات کی سہ پہر نوئیڈا۔دہلی ڈی این ڈی قومی شاہراہ پر احتجاج شروع کر دیا۔
اس احتجاج میں شامل تمام افراد دھرنا پر بیٹھ گئے ہیں۔ صورتحال پر قابو پانے کے لئے دہلی پولیس کی بڑی نفری تعینات کی گئی۔
نوئیڈا اور دہلی کو جوڑنے والی شاہراہ ڈی این ڈی پر احتجاج میں شامل افراد نے جام کردیا ہے۔
انصاف کے لیے ڈی این ڈی پر احتجاج، بڑی تعداد میں پولیس نفری تعینات ان مظاہرین سے نمٹنے کے لیے گوتم بودھ نگر پولیس کو بھی نوئیڈا کی طرف تعینات کیا گیا ہے۔
گوتم بودھ نگر پولیس بھی پوری صورتحال پر نظر رکھے ہوئے ہے۔
دراصل دہلی اور گوتم بودھ نگر کے سیکڑوں افراد امن بینسلا کو انصاف دلانے کی غرض سے ڈی این ڈی پر احتجاج کے لیے پہنچ گئے ہیں۔
واضح رہے کہ گذشتہ 22 ستمبر کو دہلی سے تعلق رکھنے والے 22 سالہ تاجر امن بینسلا نے خودکشی کرلی تھی۔ خودکشی سے قبل اس نے الزام لگایا تھا کہ اسے بلیک میل کیا جارہا ہے۔
کنبہ کا الزام ہے کہ ہریانہ سے تعلق رکھنے والی ایک گلوکارہ جو امن کی دوست تھی وہ ایک عرصے سے امن کو ہراساں کررہے تھی۔
انصاف کے لیے ڈی این ڈی پر احتجاج، بڑی تعداد میں پولیس نفری تعینات اہل خانہ کے مطابق خاتون کی جانب سے ہراساں اور بلیک میل کئے جانے کی وجہ سے امن نے خود کشی کی ہے۔
اس وقت سیکڑوں کی تعداد میں افراد نوجوان تاجر کے اہل خانہ کے ساتھ ڈی این ڈی پہنچ چکے ہیں اور راستہ روک دیا ہے۔ جس کے بعد سڑک پر گاڑیوں کی لمبی قطاریں لگ گئیں۔
