حادثہ کے شکار طیارہ کے دونوں پائلٹوں کا کوئی سراغ نہیں

روسی وزارت دفاع کے حادثہ کا شکار ایس یو 25 یوبی طیارہ کے دونوں پائلٹوں کا ابھی تک کوئی سرغ نہیں مل پایا ہے۔

ایسا خیال کیا جارہا ہے طیارے حادثے میں ان کی موت ہو گئی، جن کی لاشیں ہوائی جہاز کے کیبن میں ہوں گی۔

واضح رہے کہ وزارت دفاع نے بتایا تھا کہ جہاز روس کے جنوبی علاقے استاؤروپول میں ایک تربیتی پرواز کے دوران گر کر تباہ ہوا۔

جہاز ایک ویران علاقے میں گر کر تباہ ہوا، اور اس دوران اس کے زمین سے ٹکرانے کے بعد اس میں شدید دھماکہ ہوا جس سے جہاز کے پڑخچے اڑ گئے۔

علاقائی ایمرجنسی سروس کے ایک نمائندے نے بتایا کہ ایس یو 25 یوبی طیارے کے پائلٹز کا کچھ پتہ نہیں چل پایا ہے، خدشہ ہے کہ حادثہ میں دونوں پائلٹوں کی موت ہو گئی ہے اور ان کی لاشیں ہوائی جہاز کے کیبن میں ہی ہوں گی۔

انہوں نے بتایا کہ حادثہ کے شکار طیارے زمین میں نصف دھنس گیا تھا، اسپیشل کمیشن کے عملہ کے پہنچنے پر جلد سے جلد اس سے باہر نکالنے کا کام شروع کیا جائے گا۔