نئے سال2020 کے آغاز کا سفر جاری

دنیا کے بہت سارے خطووں میں نئے سال کا آغاز ہو چکا ہے اور کچھ خطوں میں ایشیائی ملکوں بشمول ہندستان میں نئے سال کے آغاز کے گھنٹوں بعد 2020 کا گجر بجے گا۔

بھارت سے ساڑھے سات گھنٹہ قبل وسطی بحر اوقیانوس کے جزائر ٹونگا اور کیریباتی اور نیوزی لینڈ کے جزیرے چاٹھن میں نیا سال 2020 شروع ہو گیا تھا ۔ان خطوں میں بہرحال ا ٓبادیاں انتہائی کم ہونے کی وجہ اس موقع کے کسی طرح کے جشن کا اہتمام نہیں کیا جاتا۔

نیوزی لینڈ کے سب سے بڑے شہر آکلینڈ میں نیا سال کا آغاز بھارت سے ساڑھے تیرہ گھنٹے پہلے ہو گیا تھا۔

قومی اعتبار سے نیوزی لینڈ دنیا کا پہلا بڑا ملک ہے اور آکلینڈ پہلا شہر ہے جہاں نئے سال کا آغاز سب سے پہلے ہوتا ہے۔

نیا سال 2020 نیوزیلینڈ کے بعد روس کے دور دراز کے جزائر میں پہنچا۔ٹائمز اینڈ ڈیٹ ڈاٹ کام کے مطابق نیوزی لینڈ اور روس کے بعد آسٹریلیا میں سال 2020 کا آغاز ہوا۔سال 2020 کا سفربراعظم آسٹریلیا کے بعد سال جاپان اور پھرجنوبی کوریا سمیت قریبی ممالک میں بھی شروع ہو رہا ہے۔



نئے سال کا یہ سلسلہ شمالی کوریا، فلپائن، چین، انڈونیشیا، تھائی لینڈ، میانمار، بنگلہ دیش، نیپال اور سری لنکا سے ہوتا ہوا ہندستان پہنچ رہاہے ۔امریکی ساموا، مڈ وے آئی لینڈ/امریکہ اور نیو میں سب سے آخر میں نئے سال کا آغاز ہونے جا رہا ہے۔