آندھرا پردیش حکومت کی نئی صنعتی پالیسی

حکومت آندھرا پردیش نے ریاست کی نئی صنعتی پالیسی کا اعلان کیا۔ اس پالیسی کا نفاذ 2020-23 کے لیے ہوگا۔ محکمہ صنعتوں نے سنگل ونڈو سنٹر وائی ایس آر اے پی ون قائم کیا تاکہ صنعتی اجازت ناموں میں تیزی پیدا کی جاسکے۔

وزیر صنعت گوتم ریڈی اور آندھرا پردیش انڈسٹریل انفراسٹرکچر کارپوریشن (اے پی آئی آئی سی) کی صدرنشین روجا نے نئی پالیسی جاری کی۔

وزیر گوتم ریڈی نے اس موقع پر کہا کہ 'نئی پالیسی، آسان قواعد کے ساتھ وائی ایس آر کے نام سے شروع کی گئی ہے۔'

انہوں نے کہا کہ 'اس سے سرمایہ کاری کے خواہشمندوں کو فائدہ ہوگا۔ حکومت کا مقصد نئے تاجروں اور ٹیلنٹ رکھنے والے نوجوانوں کو موقع فراہم کرنا 'ہے۔