تلنگانہ میں کورونا وائرس کےمزید 1087 نئے کیسز

جنوبی ریاست تلنگانہ میں اب تک کے سب سے زیادہ کورونا مثبت کیسیز پائے گئے ہیں۔

ملک گیر سطح پر کورونا وائرس متاثرین کی تعداد میں اضافے کا سلسلہ بدستور جاری ہے اور ریاست تلنگانہ میں ایک ہزار 87 مزید نئے کورونا وائرس کے مثبت کیسز پائے گئے ہیں جسکے بعد تلنگانہ میں کورونا متاثرین کی مجموعی تعداد 13 ہزار 13،436 ہوگئی۔

تلنگانہ محکمہ صحت کی جانب سے جاری کردی بیان مین کہا گیا کہ 'اس وقت ریاست میں کورونا وائرس کے 8 ہزار 265 فعال معاملات ہیں، 4،928 افراد کو اسپتال سے ڈسچارچ کیا گیا ہے اور ہلاکتوں کی تعداد 243 ہے۔

گزشتہ روز 27 جون کو ریاست میں 162 افراد کو ہسپتال سے ڈسچارچ کیا گیا۔

مرکزی وزارت صحت اور خاندانی بہبود نے بتایا کہ 'گزشتہ 24 گھنٹوں کے دوران ملک بھر میں 18 ہزار 552 کورونا وائرس کیسز ریکارڈ ہوئے جس کے بعد ملک میں اس مہلک وائرس سے متاثرین کی تعداد 5 لاکھ 8 ہزار 953 ہوگئی ہے۔

ملک بھر میں ایک لاکھ 97 ہزار فعال کیسیز ہیں۔ اس کے علاوہ 2 لاکھ 95 ہزار 881 افراد صحتیاب ہوچکے ہیں جبکہ 15 ہزار 685 اموات ہوئی ہیں۔