نائیڈو نے یوم آزادی کے موقع پر یہاں جاری ایک پیغام میں کہا کہ ملک 74 ویں جشن آزادی منا رہا ہے۔
آزاد ہندوستان کے لیے اپنی جانوں کی قربانی دینے والے افراد کو ان کے خوابوں کے ہندوستان کی تعمیر کرنا سچی خراج عقیدت ہوگی۔
انہوں نے اس موقع پر ملک میں امن، ہم آہنگی اور ترقی کی دعا بھی کی۔
مسٹر نائیڈو نے کہا کہ میں یوم آزادی کے موقع پر ملک کے باشندوں کو مبارکباد دیتا ہوں۔
آج ملک اپنا 74 واں یوم آزادی منا رہا ہے۔
آزاد ملک اور محفوظ مستقبل کے لیے اپنی جانوں کی قربانی دینے والے لاتعداد آزادی کے متوالوں کو میں خراج عقیدت پیش کرتا ہوں۔
انہوں نے کہا کہ اپنی آزادی کے لیے اپنی جانوں کی قربانی دینے والے افراد کو یاد کیا جانا چاہیے۔
نائب صدر نے کہا کہ آزادی کے مجاہدین کے خوابوں کے ہندوستان کی تعمیر کرکے ہمیں انھیں معنیٰ خیز خراج عقیدت پیش کر سکتے ہیں۔
یہ بھی پڑھیے:ملک کی متعدد ریاستوں میں مسلسل بارش سے معمولات زندگی درہم برہم
اس یوم آزادی کے موقع پر ہم متحد، خوشحال، ہمہ جہتی، پرامن قوم کے تئیں پابند عہد ہونے کا اعادہ کریں جہاں ایک ارب سے زیادہ افراد کے خواب پوار ہو سکیں۔
