ممبئی کے چھترپتی شیواجی ٹرمنس جہاں روزانہ لاکھوں کی تعداد میں مسافرین سفر کرتے ہیں ریلوے پروٹیکشن فورس نے عوام کی حفاظت کی خاطر ایک مہینے کے بیداری کیمپ کا بیڑہ اٹھایا ہے۔ ریلوے پروٹیکشن فورس کے جوان مسلسل اعلان کرتے نظر آرہے ہیں اور مسافرین کو ہدایات پر عمل کرنے کی تاکید کررہے ہیں۔ ممبئی کی لوکل ٹرینوں کو یہاں کی لائف لائن کہا جاتا ہے جہاں روزانہ ایک اندازے کے مطابق 70 لاکھ سے زائد افراد سفر کرتے ہیں۔
اس اپیل کے دوران ریلوے پروٹیکشن فورس کے ادنی سے اعلی افسران سب ہی ان کی حفاظت کی خاطر بیداری مہم کے ذریعہ ان کو آگاہ کرتے رہتے ہیں۔ تا کہ ٹرینوں میں سفر کرنے والوں کی جان کی حفاظت ہوسکے۔
دراصل پچھلے سال ٹرینوں حادثوں میں ہونے والی اموات کی تعداد چونکا دینے والی ہے جن میں سے اکثر اموات مسافرین کی لاپرواہی کی وجہ سے ہوئی ہیں۔ لوکل ٹرینوں میں روزانہ تقریباً 70 لاکھ لوگ روزانہ سفر کرتے ہیں اور اس بھیڑ کی وجہ سے روزانہ لوکل ٹرین سے 9 لوگوں کی موت ہوجاتی ہے۔ ریلوے نے چند قوانین بنائے ہیں جن پر عمل کرنے سے ان اموات پر قابو پایا جاسکتا ہے۔ ان میں سب سے اہم قانون ہے مائی لیفٹ از مائی رائیٹ ۔ یعنی میرا داہنا ہی میرا بایاں ہے۔ یعنی مسافرین کو دائیں طرف سے سفر کرنا ہوگا تا کہ حادثات پر قابو پایا جاسکے۔