مدھیہ پردیش کے دارالحکومت بھوپال میں کانگریس پارٹی کے سینیئر رہنماؤں کی آج اہم میٹنگ ہوئی۔
میٹنگ کے بعد کانگریس کے رہنما اور ریاستی وزیر سجن کمار نے ای ٹی وی بھارت سے بات چیت کی۔ انہوں نے عام انتخابات کے حوالے سے ایگزٹ پول کے رجحان کو خارج کر دیا۔
مونگیری لال کو حسین خواب دیکھنے کا اختیار ہے: کانگریس چند روز قبل بی جے پی کے سینیئر رہنما نریندر سنگھ تومر اور سابق وزیراعلی شیوراج سنگھ سوراج نے بیان دیا تھاکہ کانگریس کے کئی اراکین ہمارے رابطے میں ہیں اور ریاست کانگریس کی حکومت چند روز کی مہمان ہے۔
اس پر ردعمل کا اظہار کرتے ہوئے کانگریس کے سینیئر رہنما سجن کمار نے کہا کہ بی جے پی کے رہنما مونگیری لال کی طرح حسین خواب دیکھ رہے ہیں اور ان کو اس کا اختیار ہے۔
