سادھوی پرگیہ کو دھمکی آمیزخط، مقدمہ درج

بھوپال سے بھارتیہ جنتا پارٹی (بی جے پی) کی رکن پارلیمنٹ پرگیہ سنگھ ٹھاکر کو دھمکی آمیز خط ملنے کے بعد پولیس نے مقدمہ درج کر کےاس کی جانچ شروع کر دی ہے۔

سٹی پولیس سپرنٹنڈنٹ امیش تیواری نے بتایا کہ 'ممبر پارلیمنٹ ٹھاکرپرگیہ سنگھ کو دھمکی آمیز خط اور اس کے ساتھ لفافے میں مبینہ طور پر کیمیائی مادہ ملنے کی اطلاع کے بعد کل دیر رات كملانگر تھانہ پولیس نے رپورٹ درج کر لی ہے، اب اس معاملہ کی جانچ کی جا رہی ہے۔'

وہیں پولیس ذرائع نے کہا کہ 'مبینہ کیمیائی مادہ کی تحقیقات کے لئے فارنسک ماہرین سے مدد حاصل کی جا رہی ہے، تحقیقات کے بعد آگے کی کارروائی کی جائے گی، فی الحال نامعلوم افراد کے خلاف دھمکی دینے کا معاملہ درج کیا گیا ہے۔'