حکومت میں واپسی کے بعد مسٹر مودی نے دوسری مرتبہ اس سطح پر کابینہ کا اجلاس کیا ہے۔ قبل ازیں انہوں نے دوسری مرتبہ وزیر اعظم بننے کے بعد 13 جون کو کابینہ کا اجلاس کیا تھا۔ مسٹر مودی نے تمام وزیروں سے کہا کہ وہ مستقبل کے منصوبوں اور سنہ 2022 اور 2024 کے لیے وژن دستاویز تیار کریں ۔
اوور سیز انڈین سینٹر میں صبح ساڑھے دس بجے شروع ہو کر دن بھر چلنے والےاجلاس میں وزراء کے ساتھ ساتھ بی جے پی کے کچھ اعلیٰ عہدیداران نے بھی حصہ لیا۔ قبل ازیں ہفتے کی شروعات مختلف وزارتوں سے کام کاج سے متعلق رپورٹ کارڈ طلب کیے جانے سے ہوئی۔
اجلاس میں مختلف وزارتوں کی جانب سے مخلتف گروپوں میں وزیر اعظم کے سامنے پیش کیے گئے۔ ان میں سنہ 2022 اور 2024 کو دھیان میں رکھ کر تیار کیے گئے وژن دستاویز میں شامل منصوبوں کا خاکہ پیش کیا گیا۔ وزارتوں کے کام کاج کے ساتھ ساتھ اجلاس میں حکومت کے ترجیحی منصوبوں پر عمل درآمد کی صورتحال اور ان کے اثرپر بحث کی گئی۔ ان میں جل شکتی مشن اور آیوشمان بھارت جیسے منصوبے اہم طور پر شامل تھی۔ اس کے علاوہ زراعت، دیہی ترقی اور سماجی شعبے کے منصوبوں پر خصوصی طور پر بحث کی گئی۔