مودی نے سنت رویداس کو خراج عقیدت پیش کیا

آج رویداس جینتی کے موقع پر وزیراعظم نریندرمودی نے عظیم سنت گرو رویداس کو ان کی جینتی پر خراج عقیدت پیش کیا ہے۔

مودی نے کہا کہ 'سنت گرو رویداس نے سماج میں مثبت تبدیلی کے لیے محبت اور بھائی چارے کے جذبے پر زور دیاتھا، جو آج بھی اتنا ہی اہم ہے۔ انصاف ،برابری اور خدمت پر مبنی ان کی تعلیمات ہر زمانے میں لوگوں کو تحریک دیتی رہے گی'۔

مودی نے سنت رویداس کو خراج عقیدت پیش کیا

دوسری جانب مرکزی وزیر داخلہ امت شاہ نے کہا کہ 'اپنے نظریات سے مکمل دنیا میں سماجی اتحاد اور ہم آہنگی کا پیغام دینے والے عظیم سنت، فلسفی، شاعر اور سماج کی اصلاح کرنے والے رویداس جی کی سالگرہ پر انہیں سلام۔ مختلف سماجی برائیوں کو دور کرنے میں انہوں نے اہم رول ادا کیا، ان کے پیغام ہمیشہ ہماری رہنمائی کرتے رہیں گے'۔

امت شاہ نے سنت رویداس کو خراج عقیدت پیش کیا

بھارتیہ جنتا پارٹی کے صدر جے پی نڈا نے کہا کہ 'سنت گرو رویداس جی کی تعلیمات اتحاد اور بھائی چارے کے لیے جانی جاتی ہیں۔ انہوں نے اپنی باتوں سے سماج کو ایک دھاگے میں پرونے کا کام کیا۔ رویداس جی کے بتائے راستوں پر چل کر پارٹی کے ایک ایک کارکن نے پوری طاقت کے ساتھ سماج کو متحد کیا اور ہم سب اس کے لیے پرعزم ہیں'۔

جے پی نڈا نے سنت رویداس کو خراج عقیدت پیش کیا