اپوزیشن کی مودی کو مبارک باد

وزیراعظم نریندر مودی کی سالگرہ پر بی جے پی سمیت اپوزیشن رہنماؤں نے مبارک باد پیش کرتے ہوئے نیک خواہشات کا اظہار کیا۔

وزیراعظم نریندر اپنی سالگرہ کے ایک دن پہلے ہی گذشتہ رات احمدآباد کے سردار ولبھ بھائی پٹیل بین الاقوامی ہوائی اڈے پر پہنچے اور انہوں نے راج بھون میں قیام کیا۔

وزیراعظم مودی نے رائے سن علاقے میں اپنے چھوٹے بھائی پنکج مودی کے گھر جاکر ماں ہیرابائی سے آشیرواد لیا اور بعد میں نرمدا ضلع کے کیوڑیا گئے جہاں واقع سردار سروور باندھ کے پوری طرح بھرجانے کے موقع پر ریاستی حکومت کی جانب سے منائے جانے والے نمامی دیوی نرمدے مہوتسو میں شرکت کی۔ اس موقع پر انہوں نے نرمدا کے پانی کی پوجا بھی کی۔

وزیر اعظم نریندر مودی کی سالگرہ کے موقع پر گجرات سمیت ملک بھر میں بی جے پی رہنما اور کارکنان سالگرہ منارہے ہیں ایک مقام پر 700 کلو کا کیک تیار کیا گیا ہے۔
سالگرہ پر وزیراعظم مودی کو بی جے پی سمیت اپوزیشن کے رہنماؤں نے مبارک باد پیش کی اور نیک خواہشات کا اظہار کیا۔