گوپال جی ٹھاکر اور اشوک یادو پارلیمنٹ میں توجہ کا مرکزبنے

متھلانچل سے منتخب بھارتیہ جنتا پارٹی کے رکن پارلیمنٹ گوپال جی ٹھاکر اور اشوک کمار یادو اپنے زبردست لباس کی وجہ سے پیر کے روز پارلیمنٹ میں سب کی توجہ کا مرکز رہے۔

دربھنگہ لوک سبھا علاقے سے منتخب گوپال جی ٹھاکر نے متھلا کی شناخت پیلے رنگ کی دھوتی،کرتا اور جیکٹ پہن رکھی تھی۔

ان کے سر پر متھلا کے اعزاز کی علامت پاگ اور گلے میں گمچھا تھا۔گمچھا اور پاگ پر متھلا پینٹنگ بنی تھی جو بےحد خوبصورت لگ رہی تھی۔

متھلا کا دل مانی جانی والی جگہ مدھوبنی کے رکن پارلیمنٹ اشوک کمار یادو نے سفید دھوتی،کرتا اور بھگوا جیکٹ پہنی تھی۔ان کے سر پر پاگ اور گلے میں گمچھا تھا۔پاگ اور گمچھے پر متھلا پینٹنگ بنی ہوئی تھی۔

انہوں نے گلے میں مکھانے کی مالا بھی پہنی تھی جو بےحد خوبصورت لگ رہی تھی۔مسٹر یادو سابق رکن پارلیمنٹ حکم دیو نارائن یادو کے بیٹے ہیں۔بی جےپی نے اس بار حکم دیو نارائن یادو کو ٹکٹ نہیں دیا تھا۔

دونوں ارکان پارلیمنٹ نے نامہ نگاروں کو بتایا کہ وی سیتا جی کی زمین سے منتخب ہوکر آئے ہیں اور میتھیلا میں ہی حلف لیں گے۔

دونوں نے بتایا کہ اٹل بہاری واجپئی کی حکومت کے دوران متھلا علاقے میں کافی ترقی ہوئی تھی۔اس کے بعد مودی حکومت کے دوران اس میں اور تیزی لائی گئی۔