نشانے پر شدت پسند تھے، پاکستانی شہری نہیں: بھارتی وزارت خارجہ

بھارت کا کہنا ہے کہ اس نے پاکستان کے اندر شدت پسند تنظیم جیش محمد کے کیمپوں پر حملہ کرکے بڑی تعداد میں شدت پسندوں کو ہلاک اور ان کے بنیادی ڈھانچے کو تباہ کر دیا ہے۔

دہلی میں سکریٹری خارجہ وجے گوکھلے نے ایک مختصر بیان میں اس کی تفصیل بتاتے ہوئے کہا ہے کہ بھارتی فضائیہ نے شدت پسندوں کو نشانہ بنایا ہے فوجی اور شہری ٹھکانوں کو نہیں۔

انہوں نے کہا کہ بھارتی فضائیہ نے جیش محمد کے فدائین کیمپ کو نشانہ بنایا ہے جس میں کئی دہشت گرد ہلاک ہوئے ہیں۔
انہوں نے مزید کہاکہ بھارتی خفیہ ایجنسی کو اس فدائین کیمپ کےسرگرم ہو نے اور بھارت میں مزید خوکش حملے کی اطلاع ملی تھی۔
انہوں نے پاکستان پر الزام عائد کیا کہ پلوامہ حملے کی جانکاری پاکستان کو تھی اور اس کے ایما پر ہی یہ حملہ کیا گیا تھا۔
پاکستان نے اپنی سرزمین پر چلنے والے دہشت گردوں کے کیمپ کی ہمیشہ پشت پناہی کی ہے اور اس بار بھی اس نے یہی رویہ اپنا یا اس لیے بھارت کو مجبورا یہ ایکش لینا پڑا۔
وزارت خارجہ نے فضا ئیہ کے اس حملے کو'' نان ملٹری-پری ایمپیٹو ایکشن' قرار دیا ہے۔
بھارتی فضائیہ کے طیارے آئی اے ایف نے لائن آف کنٹرول(ایل اوسی کے) پار جاکے دہشت گردوں کے کمپوں پر 1000 کلو گرام کا بم گرایا۔