دہلی تشدد کے ذمہ دار مودی - شاہ، پارلیمنٹ میں معاملہ اٹھائیں گے: کھڑگے

ای ٹی بھارت سے بات چیت کرتے ہوئے ملکا ارجن کھڑگے نے کہا کہ دہلی میں امن و امان میں جس طرح کی خلل اندازی کی گئی اور جس طرح کا تشدد ہوا اس کے لیے مودی اور شاہ دونوں ہی ذمہ دار ہیں۔ حکومت ان کو (کسانوں) بے بس کرنے کی کوشش کر رہی ہے، تاکہ انہیں ہراساں کیا جاسکے اور ان کا احتجاج ختم کیا جا سکے، کانگریس کے رہنما نے اس واقعے کی مذمت کی، لیکن انہوں نے اس کے لیے وزارت داخلہ کو مورد الزام ٹھہرایا۔

کانگریس کے سینئر رہنما اور راجیہ سبھا کے رکن ملکا ارجن کھڑگے نے دہلی میں 26 جنوری کو کسانوں کی ٹریکٹر پریڈ کے دوران ہونے والے تشدد کا ذمہ دار مرکزی حکومت کو قرار دیا ہے، انہوں بلاواسطہ مرکز کو اس کے لیے قصوروار کہا اور کہا کہ وزیر داخلہ امت شاہ کی کسانوں کی تحریک کو کمزور کرنے کی منصوبہ بند سازش تھی۔ انہوں کہا کہ کانگریس پارٹی آئندہ پارلیمنٹ اجلاس میں اس مسئلے کو اٹھائے گی۔

ای ٹی وی بھارت سے بات چیت کے دوران ملکا ارجن کھڑگے نے کہا کہ دہلی میں امن و امان کے معاملے پر جو کچھ ہوا اس کے لیے مودی اور شاہ دونوں ہی ذمہ دار ہیں۔ جس شخص نے 26 جنوری کو لال قلعہ پر مذہبی جھنڈا لہرایا تھا وہ بی جے پی سے وابستہ ہے۔ کسانوں کی تحریک کو بدنام کرنے کے لئے ایک سازش رچی گئی تھی، تاکہ وہ حکومت کے تینوں زرعی قوانین سے متعلق قواعد اور شرائط کو قبول کرلیں، دہلی تشدد کے معاملے پر چدمبرم نے بھی کھڑگے کی تشویش کی حمایت کی۔

ان کا کہنا تھا دہلی میں امن و امان برقرار رکھنا وزارت داخلہ کی ذمہ داری ہے، اس کی تحقیقات ہونی چاہیے، یہ در حقیقت وزیر داخلہ کی ناکامی ہے، کیوں کہ امن و امان کو بحال رکھنا ان کی ذمہ داری ہے اور یہ محکمہ ان کے ہی ماتحت ہے۔

سینیئر کانگریسی رہنما اور سابق مرکزی وزراء پی چدمبرم، ملکا ارجن کھڑگے اور جے رام رمیش نے جمعہ کے روز ایک پریس کانفرنس کرتے ہوئے مرکزی بجٹ 2021 کے لیے پارٹی کی امیدوں اور مشوروں کی تفصیلات پیش کی۔