ریاست ہماچل پردیش کے مختلف حصوں میں گزشتہ 24گھنٹوں کے دوران شدید بارش کی وجہ سے 18لوگوں کے ہلاک ہونے کی خبر ہے۔
شدید بارش سے متعدد افراد ہلاک کئی زخمی
ریاستی وزیراعلی جے رام ٹھاکر نے بتایا کہ آٹھ لوگوں کی موت شملہ ضلع میں ہوئی ہے۔ راجدھانی میں آر ٹی او کے نزدیک ایک کنبہ کی دو بہنوں سمیت باپ کی موت ہوگئی، جبکہ دیگر آٹھ لوگ زخمی ہوئے ہیں۔
میڈیا سے بات چیت کے دوران وزیراعلی نے کہا کہ ریاست میں گزشتہ دو دنوں سے شدید بارش ہونے کی وجہ سے جگہ جگہ پر زمینی تودے گرنے، فلیش فلڈ اور درختوں کے گرنے کی اطلاع ملی ہے۔
انہوں نے کہا کہ چمبا، کلو، سرمور، اور سولن ضلع میں کئی افراد کے جاں بحق ہونے کی خبر ہے۔
اس کے علاوہ بلاسپور اور لاہول۔اسپتی ضلع میں گزشتہ 24گھنٹوں سے ہورہی شدید بارش کی وجہ سے دو دو افراد کی موت واقع ہوئی ہے۔