راہل گاندھی نے ایک ویڈیو ٹویٹ کرتے ہوئے کہا کہ محب وطن لداخی چینی در اندازی کے خلاف آواز اٹھارہے ہیں، ان کی آواز کو نظرانداز نہیں کیا جانا چاہیے۔
یاد رہے کہ راہل گاندھی نے وزیر اعظم نریندر مودی سے ایک ایسے وقت میں مطالبہ کیا ہے جب مودی گزشتہ روز لداخ کے دورے سے واپس لوٹے ہیں۔
راہل گاندھی نے اپنے ٹویٹ میں ایک ویڈیو شیئر کیا ہے جس میں لداخ کے کچھ لوگ چینی در اندازی کی بات کر رہے ہیں، نیز چینی دراندازی اور ان کی سرگرمیوں سے متعلق کچھ تصاویر بھی اس ویڈیو میں نظر آرہی ہیں۔
اپنے ویڈیو ٹویٹ میں راہل گاندھی نے کہا 'محب وطن لداخی چینی در اندازی کے خلاف آواز اٹھا رہے ہیں، وہ چیخ چیخ کر انتباہ کر رہے ہیں، ان کے انتباہ کو نظر انداز کرنا بھارت کو مہنگا پڑے گا، بھارت کی خاطر، براہ کرم ان کی بات سنیں۔'