کیرتی آزاد نے کانگریس کا دامن تھاما

رکن پارلیمان اور سابق کرکٹر کیرتی آزاد آج راہل گاندھی کی موجودگی میں کانگریس میں شامل ہوگئے، وہ طویل عرصہ سے بی جے سے معطل تھے۔

سنہ2014 کے لوک سبھا الیکشن میں وہ بی جے پی کی ٹکٹ پر دربھنگہ سے لوک سبھا پارلیمان منتخب ہوئے تھے۔

کانگریس ذرائع کے مطابق جمعہ کو آزاد کو سرکاری طور سے کانگریس میں شامل ہونا تھا، لیکن پلوامہ عسکریت پسندانہ حملے کی وجہ سے پروگرام رد کردیا گیا۔

گذشتہ کچھ وقت سے ان کے کانگریس میں شامل ہونے کی قیاس آرائیاں چل رہی تھیں۔
گاندھی سے ملاقات کے بعد آزاد نے ٹوئٹ کیا' راہل گاندھی جی سے ملاقات ہوئی، پلوامہ میں ہوئے عسکریت پسندانہ حملے میں ہلاک ہوئے فوجیوں کی اعزاز میں میرا کانگریس میں شامل ہونے کا پروگرام اب 18 فروری کو ہوگا'۔

انہوں نے کہا' ملک میں تین دنوں کے ماتم ہے،

یاد رہے کہ کیرتی آزاد نے ڈی ڈی سی اے میں بدعنوانی کا الزام لگاکر وزیر مالیات ارون جیٹلی پر بھی حملہ کیا تھا۔ اپنی پارٹی کے رکن پارلیمان کی جانب سے وزیر مالیات پر الزام لگائے جانے سے بی جے پی کی کافی بدنامی ہورہی تھی، جس کی وجہ سے بی جے پی نے کیرتی آزاد کو پارٹی کی رکنیت سے معطل کردیا تھا۔