اس مہلک وائرس میں مبتلا تیسرے شخص کا معائنہ کرنے پر ان میں کورونا وائرس کے نمونے پازیٹو پائے گئے ہیں۔ کاسر گوڈ کے کنجنگڑ ڈسٹرکٹ اسپتال میں مریض کو انتہائی نگہداشت والے یونٹ میں رکھا گیا ہے۔
ریاستی وزیر صحت کے شیلجا نے کہا کہ 'مریض کی حالت مستحکم اور اس کی صحت پر نظر رکھی جارہی ہے۔ یہ مریض چین کے ووہان شہر کے دورے سے وطن لوٹا ہے۔'
قابل ذکر ہے کہ چین کے ووہان شہر میں ہی اس وائرس کے پھیلنے کا پہلا کیس سامنے آیا تھا۔ اب تک پوری دنیا میں اس کے تقریباً آٹھ ہزار معاملوں کی توثیق ہوچکی ہے۔
کورونا وائرس سے متاثر مریض میں معمولی سردی، زکام سمیت سنگین بیماریوں جیسے مڈل ایسٹ ریسپِریٹری سِنڈروم، سی او وی اور سیوِیئر ایکیوٹ ریسپِریٹری سِنڈروم جیسی علامات پائی جاتی ہیں۔ بخار، کھانسی اور سانس لینے میں مشکل اس کی عام علامتیں ہیں۔