اروند کیجریوال کل پرچہ نامزدگی داخل کریں گے

دہلی کے وزیراعلی اور عام آدمی پارٹی (عاپ) کے نئی دہلی اسمبلی حلقہ سے امیدوار اروند کیجری وال پیر کو روڈ شو کے بعد اپنا پرچہ نامزدگی داخل کریں گے۔

اس دوران عام آدمی پارٹی کے کنوینر کیجریوال نے بھی پیر کو اپنی نامزدگی کی تصدیق کی ہے۔
انہو ں نے ٹویٹ کر کے کہا کہ 'کل میں اپنا پرچہ نامزدگی داخل کروں گا، اگر آپ اپنی حمایت اور نیک خواہشات دینے آئیں گے تو مجھے بہت اچھا لگے گا'۔
عاپ کی جانب سے کو ٹویٹ کرکے کہا گیا کہ 'پارٹی کے قومی کنوینر اروند کیجری وال روڈ شو کے بعد اپنا پرچہ نامزدگی داخل کریں گے۔‘
کیجریوال کا روڈ شو صبح 10 بجے والمیکی مندر سے شروع ہوکر کناٹ پلیس کے ہنومان مندر پر جاکر ختم ہوگا۔