بہار میں صحافی پرحملہ

ریاست بہار میں صحافیوں پر حملے کا سلسلہ جاری ہے۔گذشتہ دنوں بھی مدھوبنی ضلع میں ایک صحافی کو حملہ کرکے سنگین طور سے زخمی کردیا، جس سے صحافی برادری میں عدم تحفظ پایا جاتا ہے۔

ریاست بہار کے مدھوبنی کے پنڈاول علاقے میں نامعلوم افراد نے ایک صحافی کو گولی مار دی، جس کے بعد زخمی حالت میں صحافی کو نجی ہسپتال میں داخل کیا گیا۔

پریس کی آزادی میں بھارت 140 پائدان پر

پردیپ منڈل نامی صحافی گاؤں ہیتی سے پنڈاول جارہے تھے کہ راستے میں ان کے ساتھ یہ واقع پیش آیا۔

واضح رہے کہ صحافت پر مسلسل حملے ہو رہے ہیں، سنہ 2018 میں پریس کی آزادی میں بھارت 138 پائدان پر تھا جو رواں برس 140 پر آگیا ہے۔

'کمیٹی ٹو پروٹیکٹ جرنلیسٹز' کی رپورٹ کے مطابق سنہ 2018 میں 43 صحافیوں کا قتل کیا گیا ہے اور رواں برس بھی صحافیوں پر حملے جاری ہیں۔