جیش محمد کا مطلوب ترین شدت پسند گرفتار

دہلی پولیس کی خصوصی سیل نے جیش محمد گروپ سے وابستہ مطلوب ترین شدت پسند فیاض لون کو ایک چھاپے کے دوران سرینگر سے گرفتار کیا ہے۔

لون سرحدی ضلع کپوارہ کا رہنے والا ہے اور اس کے سر پر دو لاکھ روپے کا انعام تھا جس کا اعلان دہلی پولیس نے کیا تھا۔

لون کے خلاف دہلی پولیس کی خصوصی سیل نے ایف آئی آر 07/07 درج کی تھی اور اس کے خلاف غیر ضمانتی وارنٹ جاری کیا تھا۔

لون سنہ 2015 سے گرفتاری سے بچنے کے لیے روپوش تھا، اس کی گرفتاری کے بعد مذکورہ ایف آئی آر کے تحت درج کیس میں مزید پیش رفت کا امکان ہے۔

لون کی گرفتاری ایک ایسے وقت میں ہوئی جب جنوبی کشمیر کے پلوامہ ضلع میں ایک تصادم کے دوران سلامتی فورسز نے 4 جیش محمد شدت پسندوں کو ہلاک کر دیا ہے