جاپان کے وزیر اعظم شنزو آبے بھارت کے اپنے دورے کو منسوخ کرسکتے ہیں

جاپانی وزیر اعظم شنزو آبے گوہاٹی میں ہورہے شدید احتجاج کے سبب بھارت کا دورہ نہ کرنے پر غور کر رہے ہیں۔

آسام میں گزشتہ دو دنوں سے شہری ترمیم بل کے خلاف شدید احتجاج کرتے ہوئے ہزاروں افراد سڑکوں پر نکل آئے ہیں۔
جمعرات کو نئی دہلی میں ہفتہ وار میڈیا بریفنگ میں وزارت خارجہ کے ترجمان روییش کمار نے کہا کہ ’ہمارے پاس ابھی تک اس تعلق سے کوئی بھی جانکاری نہیں ہے‘۔

گذشتہ ہفتے روییش کمار نے اعلان کیا تھا کہ وزیر اعظم مودی اور مسٹر آبے کے درمیان سربراہی اجلاس 15 سے 17 دسمبر کے درمیان ہوگی۔
اگرچہ حکومت نے اس سمٹ کے لیے مقام کا اعلان نہیں کیا ہے ، لیکن گوہاٹی میں اس کی میزبانی کے لیے تیاریاں جاری تھیں۔
تاہم جمعرات کو کمار نے کہا کہ’ میں اس بارے میں کوئی وضاحت کرنے کی پوزیشن میں نہیں ہوں۔ میرے پاس کوئی اپ ڈیٹ نہیں ہے‘۔